అంశము: అతిగా ఆశ పడకు
తేది: 06-10-2020
శీర్షిక: అందఱూబాగుండాలి...
సా స సంఖ్య: 002
పవళించినా పరమపదించినా
పరమార్థం సమానమే అయినా
స్వార్థాల సంచిని తగిలించుకుని
కలి మాయల కైనీడన కదిలే
మానవాళికి ఆశే ఆరని జీవనజ్యోతి....
బాధలు తట్టుకోలేనివైనా
బతుకు మీద చిన్న ఆశ
ముద్దబంతిలాంటి ముదము
ముందురోజు దొరక్కపోద్దా అని ....
ఆశే మనిషికి గమనం గమ్యం
రేపటి రోజును పరిగణించు
తాపత్రయపడి పరిశ్రమించు
పొదుపు మంత్రం పాటించు...
ఆశల వరకు అనువైన అర్థమున్నా
అత్యాశల దురాశల నీలి నీడలు
మనిషిని వెంటాడితే మాత్రం మాయమే
మనిషన్నవాడు మచ్చుకైనా కానరాడు...
సామూహిక ఆశయాల సాధనకు
సంయమనం స్థితప్రజ్ఞత సోపానం
అందఱూబాగుండాలి అందున
నేనుండాలి నానుడే శరణ్యం ....
నగునూరి రాజన్న
కరినగరము.
No comments:
Post a Comment