హిందీ దివస్
తేది: 14-09-2020
అధిక సంఖ్యాకుల కలబోత
ఆసేతు హిమాచలం ఐక్యత
స్వాతంత్ర్య పోరాట సంఘటిత
సమున్నత భాషా సుందరత....
గిర్ గిర్ కర్ చల్ నా సీఖో
అంటూ అందమైన పదాల
అల్లికలతో పిల్లల మనసులు
దోచే ప్రియమైన భాషా....
అచ్చులతో హల్లులతో అచ్చంగా
మన మాతృ భాష తెలుగు పోలు
పల్లవించే పద సంపదలతో
ఆత్మీయతలు జోడించి ఆదరించు ......
దేవనాగరి లిపిలో ఊరేగుతూ
భిన్నత్వంలో ఏకత్వానికి రూపమై
సోదర భావం పెంపొందించు
ఆదరాభిమానముల నందించు...
దక్షిణ భారత ప్రజలకు శిక్షణలిస్తూ
దండిగ ప్రణాళికలతో నిండిన
సులువు భాషల సువిధ పరీక్షల
ప్రచార సభలతో విరాజిల్లినది ...
నగునూరి రాజన్న
కరినగరము.
No comments:
Post a Comment