అంశము: ఆకు పచ్చని ఎడారి
తేది: 09-10-2020
శీర్షిక: పచ్చ తోరణాలు....
సంఖ్య: 536
పంచడమే తెలిసిన
పంచభూతములు
అత్యవసరాలు మాత్రమే
అమరుకునే పశుపక్ష్యాదులు...
పుచ్చుకోవడం పూర్వంనుండయినా
ఇచ్చుడెఱుగని ఇగుర లుబ్దుడు
మహాజ్ఞానినని విర్రవీగే మనిషి
మాత్రమే ఇందులో మందబుద్ధుడు...
కొందరి స్వార్థాలు.. కోలనులో పాపాలు
అందరి పాలిట శాపగ్రస్తమై
ఆవేదనా రోదనలు మిగల్చంగ
మిణుగురులా మిగిలిందొక ఆశ ....
పర్యావరణం పరితపించి పరిరక్షిస్తే
పండ్లు తిన్న పశుపక్ష్యాదులు చాలు
ప్రకృతికి విశిష్ట రాయబారులై
ఫరిఢవిల్లజేయ పచ్చదనాలను...
మెండు ఎడారిన సైతం
మొండి బ్రహ్మ జెముడులు
నిండుగ జేర్చిన అవతరింపవా
దండి పచ్చతోరణాలై ఆకుపచ్చని ఎడారులు...
నగునూరి రాజన్న
కరినగరము.
No comments:
Post a Comment