వాలు కుర్చీ
తేది: 16-09-2020
శీర్షిక: జ్ఞాపకాల చరిత్ర
సంఖ్య : 517
కడుపు నిండిన వారిని
కళ్ళల్లో పెట్టుకుని కనికరించిన
కఱ్ఱ ఊతముల కనికట్టు...
గట్టి జంఖాన గుడ్డతో మెట్టి
వాలుగా జార్చి వైపుగ జేర్చి
సేదలు దీర్చిన గడసరి.....
కచేరీలలో తిష్టవేసి ఊరిప్రజల
కష్టసుఖాలను వాకబు చేసిన
ఘనచరిత్రల సాక్షి తాను...
పరికించి చూస్తే మాత్రం .....
ఆత్మీయతలన్నీ ముల్లె గట్టి
అమ్మానాన్నలు అరికాలుకు
మట్టి అంటనీయని
బాల్యం సమకూరినట్టు ...
బతుకు పయనంలో సంభవించే
బండెడు కష్టాలను కూడ
మధురిమలు గ్రోలే కప్పు కాఫీ
మటు మాయం చేసినట్టు....
నిజంగా నిలదీస్తే వాలుకుర్చీ
గతకాలపు జ్ఞాపకాల చరిత్రే
వసారాల వసతులేవి ?
వసతులున్న ఇళ్ళులు ఏవి?
నగునూరి రాజన్న
కరినగరము.
No comments:
Post a Comment