నగునూరి రాజన్న
చిత్రకవిత
తేది: 14-09-2020
శీర్షిక: అత్యాశ
సంఖ్య : 515
అనుభవాల ప్రోదిలో అమరిన
ఆణిముత్యం మనిషికి ఎవుసం
ఒకటొకటిగ మొదలయిన పయనం
ఒడవని ముచ్చట్లయి మిగిలె ఈనాడు!
గజిబిజి జనాభాల గందరగోళాలో
గాడిలో పెట్టలేని పంట రాబడులో
జపాను ఎరువులంటూ ఉపాయంగ
పంటలతో పాటుగా ఎంటనే రావట్టే...
అంకురం నుండి పైరు పంటల వరకు
అంతటా అలితేరె రసాయనాలేనాయే...
పంటల నిలువల నుండి వంటల వరకు
సంరక్షణల పేరిట సవాలక్ష మందులొకవైపు...
నడకలు నేర్చి నాగరికతలో అడుగులేస్తూ
పరుగు లంఘిస్తుండె పతనపు అంచుకు
పద్దతిగా పాటించాల్సిన మత్తుసేవనాలు
పరిపాటిగ మలుచుకునె జీవితాన మరోవైపు.....
ఆశలే ఆశయాలకు ఊపిరి
ఆశలు అత్యాశలయితేనే కిరికిరి ...
త్యాగం తిలోదకమయి స్వార్థపు కల్తీల
తమకంలో మునిగిన తనువులకు
తప్పని సంజీవినాయె నిత్య ఔషధాలు...
నగునూరి రాజన్న
కరినగరము.
No comments:
Post a Comment