కలమే కరవాలాలైతే
తేది: 17-09-2020
శీర్షిక: రుధిరం లేని సమరం
సంఖ్య : 518
నాగరికతలో అడుగిడినామంటే
నలుగురితో కలిసి నడుస్తున్నామంటే
నిరక్షరాస్యతలో మాటే బాణం
అక్షరాస్యతలో కలమే బలం బలగం...
మంచికైనా చెడుకైనా మాటే మంత్రం
కలం పోటు కరవాలం కన్నా పదును
ఆలోచనలకిచ్చే అక్షర రూపం అక్షయం
రుధిరం లేని సమరమై లక్షల మెదళ్లను
లక్షణంగా కదిలించు ఒక్కతాటిపైకి.....
అక్షరాలా సాక్షిగా అహర్నిశలు
దునుమాడె కదా ఆనాడే దాశరథీ ద్వయం
నాజీల మించిన నవాబుల ఆగడాలపై
రజాకార్ల దుర్నీతి దమనకాండలపై...
ప్రజల గొడవే తన గొడవంటూ
ప్రశ్నించే కదా పదే పదే పాలకులను
తెలంగాణా యాస భాషల బతుకులకై
మాతృభాషా మమకారంతో మన కాళోజీ ...
తెలంగాణా మలి ఉద్యమాన సైతం
మరుగు లేక మనమెరుగుదుము కదా
ఉవ్వెత్తున ఎగసిన ఉద్యమానికి
ఊపిరై నిలిచింది ధూం ధామూలేనని....
నగునూరి రాజన్న
కరినగరము.
No comments:
Post a Comment