అనురాగం -ఆప్యాయత
పల్లె బతుకులు చిక్కి శల్యమాయె
అనురాగం ఆప్యాయతలకు చిరునామా
ఆనాటి మన పల్లె బతుకులు
అడ్రసులే గల్లంతాయే
అతివాద వ్యాపార ధోరణిలతో
ఉరుమురిమి మంగళం మీద పడ్డట్టు
ఉత్త పుణ్యానికి పంట మందులంటూ
ఊర పిచ్చుకల ఉసురు తీసారు
ఊర చెరువులను ఎండ బెట్టిండ్రు
పల్లెజనం వలస బాట పట్టిండ్రు
పట్నంల ప్రాణాలు నిలుపుకోవడం
ప్రతీ పూట ఒక ప్రచ్ఛన్న యుద్ధం
ఉరుకుల పరుగుల జీవితాలకి
ఉడకేసుక తినే సమయమే లేదు
ఊసుపోక కబుర్లై పోతున్నయి
అంజనమేసినా అంతు చిక్కనివి.
అవిభాజ్య కుటుంబాల్లో నాటి మాట
అమ్మా నాన్నలు , అక్క చెల్లెల్లు,
అన్న తమ్ముళ్లు, అత్తా మామలు ,
వదిన మరదళ్ళు, బావా మరుదులు, బామ్మ తాతయ్య .
,
అయినా నేటికీ అందుబాటే సుమా
అనురాగం - ఆప్యాయతల అడ్రస్
అమ్మా నాన్నలే అసలు చిరునామా
అవి అనుభవిస్తే అద్వితీయం
No comments:
Post a Comment