నడక - 2
నడకతోనే నయాగారాకైనా అందం
యాంత్రికతలు పెరిగి మనిషికి
యాతనలు అధికమౌచున్నవి
ఆన్ లైన్ లో ఆర్డర్ వేస్తే చాలు
అన్ని రకాల సరుకులు చేరు
బిర్యానీలు,పిజ్జాలు, బర్గర్లు,
బిగ్ బాస్కెట్లో కూరగాయలు హాజరు.
చిన్నా పెద్ద దూరంకైనా ఏదో ఒక్క వాహనం
కాదా ఇక సౌకర్యం కాలు చేయి కదపలేనంత
సిరలు ధమనుల్లో విరివిగా కొవ్వులంచు
ఆరోగ్యానికి అడ్డమై నిలుచి బాధించు
మధుమేహం రుధిరమునే మైలపరుచు
గుండె జబ్బు గుస గుసగా పలకరించు
అనేక రకాల కాలుష్యాలు సైతం
అనారోగ్యాలకు ఆజ్యం పోస్తున్నాయి
అందుకే అందరూ మేల్కొనాలి
అనువైన కసరత్తు అందిపుచ్చుకోవాలి
నడక ఒక మహా సాధనం
నరుని చేతిలో ఆయుధం
ఆరోగ్య రక్షణకు అదే సానుకూలం
అందరూ పాటించ గలగడం.
నగునూరి రాజన్న
No comments:
Post a Comment