మనో వనం
తేది : 02-08-2024
శీర్షిక : ఆత్మ శుద్ధి
సహస్రాధికం
అనుకున్నది జరిగిందా !
నిలువకున్నది మానసం ...
ఒళ్ళంతా కితకితలతో
తుళ్ళింతల వ్యవహారమే ....
శుద్ధిగా బుద్దిగా ఉండాలంటే
తప్పుడు లెక్కలు లేకుండా
ఎప్పటికప్పుడు తగిన
జాగ్రత్తలు తీసుకోవాల్సిందే ...
ఆశల ఆమనికి వన కన్యకలా
అలల సంద్రానికి ఆల్చిప్పలా
ఆశయ గమ్యాలకు శరం గురిలా ....
గురి కుదిర్చి దరి చేర్చాలి ....
పచ్చ పచ్చని తరువులతో
పడి లేచే సెలయేళ్ళతో
కువకువల పశుపక్ష్యాదులతో
తళుకులీనే అరణ్యంలా ఉంచాలి ....
ఉదయాత్పూర్వపు భూపాళరాగంలా
బొట్టు బోనంతో తీర్చి దిద్దిన వాకిలిలా
కలుపు మొక్కలు తీసిన పచ్చని తోటలా
శుద్ధిగా బహుబుధ్దిగా నిలబెట్టాలి ....
అంతర్మదనపు ఆలోచనలకు
వంతెనలా పంచేంద్రియాలను
పదిలపరుస్తూ ... కర్మేంద్రియాలను
జోడిస్తూ ఆత్మ శుద్ధి పాటించాలి ....
నగునూరి రాజన్న
No comments:
Post a Comment