నువ్వు నేను ఓ కొత్త ప్రపంచం
తేది : 06-08-2024
శీర్షిక : కలల ప్రపంచం
సహస్రాధికం
ఆలోచనెలా అంకురమయ్యిందో
అంకురమునకిరువైపుల బీజదళములలా
రక్షణ ఇచ్చి ప్రేమ పచ్చని మొక్కయ్యిందో
అపూర్వం అనన్యం ప్రతి నిమిషం ....
సూదంటురాయి చూపుల్లో గువ్వలా
ఒదిగిపోయాను... కాదంటే నేనెలా
మనగలను ప్రియా ... కలల
ప్రపంచంములో కమ్మని అనుభూతులు
పంచుకుందామా ఓ కొత్త ప్రపంచంగా ?
కనుచూపుమేరలోనే కలల ప్రపంచం ...
అరవిరిసిన కుసుమ మందారవనం...
మనో నందన నిలయం... యాత్రించి
మనం గమక పాత్రులమౌదామా ....
హద్దులెరుగని ప్రపంచమే
ప్రేమ నిండిన సాగరమైతే....
సుద్దుల జోలిలేని పద్ధతుల్లో
ముద్దుల ప్రవాహమైపోదామా ....
మల్లె పరిమళాలు నిండిన
ఎల్లలెరుగని మరో ప్రపంచాన్ని
చల్లగ చేరుకుందామా ....
ప్రేమ పతాకం ఎగరేద్దామా ....
నీవు నేనైన వేళ ... నేను నీవై
కమ్మని కలల ప్రపంచం
నిర్మిద్దామా ... జుమ్మని సాగే
తుమ్మెద పూవుగా మారి పోదామా ....
నగునూరి రాజన్న
No comments:
Post a Comment