వస్తావా నేస్తమా
తేది : 11-11-2020
సవ్వడి సంఖ్య : 39
శీర్షిక : వచ్చేయవా నేస్తమా ...
బాల్య నేస్తమా చూస్తుండగానే
జీవిత కాలం పుటలు నిండిపోతున్నయి..
ఊళ్లన్నీ తిరిగి ఉస్సూరుమన్నది
విరమణ నెమరులతో తడిసి
ముద్దయిన తపన మధురక్షణాలు...
కలసి నడచిన బడి బాటలు
కాలగమనపు నాటి వడి ఆటలు
ఆదరాబాదరగా ఐనదనిపించిన
చదువు మోతలు చూచి వ్రాతలు ....
ఆరు బయట మైదానం ఆటలు
అల్లరి చిల్లరి ఆటవిడుపులు
అంజన్న మండపంలో విశ్రాంతులు
అన్నీ అందమైన జ్ఞాపకాలే ....
కాల పరిభ్రమణములో
కనికరించి బ్రహ్మ వరమిస్తే
కాదనకుండా అడిగేయనా
కమ్మని బాల్యం మల్లీ ఇమ్మని నీకు నాకు....
వచ్చేయవా నేస్తమా
బాలకులమై మనిద్దరం
బలాదూర్ గా గ్రోలుదాము
బంగారు బాల్యాన్ని మళ్ళీ ....
నగునూరి రాజన్న
No comments:
Post a Comment