మనసు గీసిన చిత్రం
తేది: 11-11-2020
శీర్షిక: జీవిత విశేషాలు...
సంఖ్య : 559
నలుపు తెలుపో..సప్త వర్ణాలో ..
తెలిసీ తెలియని వయసునుండే
హృది మదిలో మెదిలే భావాలకు
మనసు తెరపై చిత్రిస్తూనే ఉంది
మంచి మంచి అందమైన చిత్రాలు.....
ఆకతాయిగ మిత్రులతో ఆడిన వైనాలు
చేను చెలకలు తిరిగిన చిలిపి గుర్తులు
ఆటల్లోన అలిగిన బుంగ మారాములు
పండ్ల తోటల్లోన పెట్టిన పరుగులు
మిత్రులందరితో పోరి అలసిన క్షణాలు ...
అమ్మా నాన్నలు పడిన ఆరాటాలు
ఆకలింపుగ గురువులు బోధించిన పాఠాలు
అడుగడుగున నిలిచిన అందమైన గమనాలు
అత్యున్నతంగా తీర్చి దిద్దుకున్న జీవితం....
విజయతీరాలను పిల్లలు ముద్దాడిన
ఆనందనందన క్షణాలలో అపరిచితులు
కూడా అప్యాయంగా మాట కలిపిన
మంచి మంచి మర్యాద సందర్భాలు...
తీయ తీయని తేనె లాంటి కబుర్లతో
మన చేయి దాటించుకున్న రూకలు
అవసరారాలకు ఆదుకుంటాయనుకుంటే
ఆత్మీయులే అవకాశవాదులైన వింతలు....
ఒకటేమిటి వందలు వేలు లక్షలు
పుటలు పుటలన్ని సంపుటాలై
గొప్ప కావ్యకన్యకయై హోయలొలుకు
కలికి తైలవర్ణ కులుకు చిత్రాలతో ....
నగునూరి రాజన్న
No comments:
Post a Comment