అంశం : ఉండి పోరాదా
తేది : 08-11-2020
సవ్వడి సంఖ్య : 36
శీర్షిక : తీపి జ్ఞాపకాలు...
అనంతమైన ప్రేమకు నిర్వచనం
అపారమైన ఆప్యాయతకు వరం
అపురూపమైన కానుకే జీవితం
అమ్మ నాన్నలన్నది నగ్న సత్యం ....
అక్షరమే జీవితాన అక్షయమని
భావించిన అధి దేవతలు వారు
ఆనాటి వారి ఆరాటం మా పాలిట
అనుభవాన గ్రహించిన అసలు రహస్యం ....
ఆగ్రహమైనా ప్రదర్శించె
అప్పుడప్పుడూ మాపైన
నిగ్రహముగ మేము చదవ
బుజ్జగించి దారి చూపె....
మాకే కాదు మా పిల్లలకు
మంచి దారి చూపించిన
మనసున్న దేవతలు
మార్గదర్శులు మహర్షులు ...
మా మనసున వీడని నీడలే
ఆ తీయని జ్ఞాపకాల దొంతరలే
తనువున్నంతవరకు నిండిన
అనురాగాల తోట కుసుమాలే ....
అక్షయంబుగ నిలిచిన ఈ వరం
నిశ్చయంబుగా మా ముందు
తరాలకు సైతం ముదముగ
జీవితాంతం నిలిచిపోవా ...
నగునూరి రాజన్న
No comments:
Post a Comment