Kamala Haries photo
తేది: 09-11-2020
శీర్షిక: అరవిరిసిన కమలం
సంఖ్య : 557
అమ్మ పెంపకమున
అరవిరిసిన కమలం
ఆరితేరి నిలిచె కద
అందరి మన్ననలతోడ నేడు
అగ్ర రాజ్యమున అత్యున్నతమై....
సంద్రములు దాటినా
సాధింపులు తప్పక
సూటిపోటి మాటల
స్ఫూర్తిపొందిన ధీరవనిత ...
పూవు పుట్టగానే పుష్కల
పరిమళాల సొంతంలా
పట్టాలు పొందే దశలోనే
పాలనా దక్షతల పరిణతితో
ఫరిడవిల్లిన ప్రజ్ఞాశాలి ....
అటార్నీ జనరల్ గా అడుగువేసి
సెనెటర్ గా సెలెక్ట్ అయి నడక నేర్చి
పట్టుదల దీక్షలకు ప్రతిరూపమై
అత్యున్నత శిఖరమే అధిరోహించె నేడు...
లింగమార్పిడి పీడితుల రక్షణ
ధృడ దీక్షలో మడమ తిప్పక ..
ఉరిశిక్షల అమలుకు ఊరటగా
జీవితఖైదుగ మార్చాలన్న ఉదాత్తవాది...
అక్షరాస్యతే ఆయుధమని
లక్షణమైన ఉక్కు సంకల్పమున
పెక్కు సంస్కరణలను
ప్రవేశపెట్టిన వితరణశీలి ....
ఇరువైపుల పదునైన కత్తిలా
పట్టు విడుపుల ప్రగతిశీలి
భావి విశ్వశాంతి ఆశల కపోతమైన
భారతీయ మూలాల భాగ్యశాలి...
నగునూరి రాజన్న
No comments:
Post a Comment