అంశం : పదాల కవిత
మండుటెండ, కోయిల,
ఎలారాను,ఉండగలనా,చేదు జ్ఞాపకం
తేది : 05-11-2020
సవ్వడి సంఖ్య : 33
మౌనంగానే రోదిస్తుంది
మనసున కలిగే గాయాలకు
ఎదురుచూపుల పడిగాపులతో ...
ఋతువుల పరదాలు దొర్లుతుంటే
మండుటెండల్లో మాయమైన
శ్రమజీవుల స్వేదజలము మేఘమై
వర్షించె వాలు చెలిమెలకు తావియై ....
మధు మాసపు రాకలతో ఇల
వసంతమై పిలవని కోయిల
తనకు తానుగ రానే వచ్చే
తీయని గొంతున కమ్మని రాగమై...
చేదు జ్ఞాపకాల గ్రీష్మాలకు
సెలవుచెప్పె.. నెర్రెలూనిన నేలమ్మా
ముతైదువల కుంకుమోలే
ముసిముసిగా మురిసిపోయే ...
ఉండగలనా ఇంట నేనంటూ....
ఎద మెదిలిన ఆనందాలకు
సుధ లొలికిన హాలికుడు
ఎలా రాను నేనంటూ ఇడుగు
ఇరువాలంటూనే...కమతానికే
అతుక్కు పోయే .....
నగునూరి రాజన్న
కరినగరము.
No comments:
Post a Comment