అంశం: కొత్త వేకువ కోసం
తేది: 06-11-2020
శీర్షిక: ఎదురుచూపు...
సంఖ్య : 557
కొత్త వేకువలోస్తే కోరు మార్పులంటారు...
నిశి తెరలు తొలిగేవేళ ఉదయాత్పూర్వపు
తొలి సంధ్యల తోరణాలలో
బాలభానుడి ఆగమనా సూచకంగా
కువకువలొలికే పక్షులు
కీచు రాళ్ళంటిన కీటకాలు
చెట్టు చేమ గుట్ట గూడు
నిరక్షర జాతులే దీక్షగా....
చీకటిని సాంతం పారద్రోలే
కోటి వెలుగుల కొత్త వేకువ కోసం
ఆత్రంగా వేచి ఉంటాయి ....
ఎన్ని వేకువలోస్తే మాత్రమేమి లాభం...
అక్షరాస్యత నేర్చిన వింత పక్షి
రంగులు మార్చే ఊసర వెల్లుల
రాజకీయుల రసపట్టులు మారేనా ....
జన సామాన్యుల బతుకుల్లో
వెలుగు కిరణం ప్రసరించేనా ....
మరులుగొన్న “మద్యం” చూపులు
పురులు గొల్పేనా విద్య వైద్యముల వైపు
విరివిగ అభివృద్ధి చెంద నెంచ ప్రజలు ..
అయినా నేను ఆశావాదినే ...
ఏ యుగపురుషుడో రాకపోతాడా
అనంత విహంగమైన అవినీతిని
కలుషితాలను వెదజల్లే కల్తీలను
కాఠిన్యంగా ఖడ్గించే వీరుని రాకకై
కొత్త వేకువ కోసం ఎదురు చూస్తూ....
నగునూరి రాజన్న
కరినగరము.
No comments:
Post a Comment