అంతా యంత్రమయం
తేది: 02-11-2020
శీర్షిక: పారిశ్రామీకీకరణం
సంఖ్య : 553
ఆటవికతలకు ఆటవిడుపాయే
రాతి పనిముట్ల రాకతో జీవనాన
నాగరికతలో అడుగేసి నడకనేర్చే
నరుడు చక్రం పనిముట్ల ఛత్రంలో....
ఆవిరి యంత్రాల ఆగమనాలు
వేగం పెరిగిన మానవ జీవితాలు
చిన్నా పెద్దా దూరా భారాలకు
పిల్ల పెద్దలకు ఎదో ఒక్క వాహనం ....
ఉత్పత్తుల్లోన ఉరుకు లంఘించ
ఊళ్ళ వృత్తులన్నీ ఊడ్చుకుపోయే
పెద్దోని పెట్టుబడులముందు
పేదోని చేతులు కట్టు బానిసలాయే ...
సైకిళ్ళ వేగములు సరదాలు పంచినా
అర్థ శాస్త్రములో క్రమ క్షీణ ప్రతిఫలాల్లా
హెచ్ పి ల ముందు గుర్రాలు.. సి సి ల
ముందు ఎడ్ల బండ్లు.. దిగదుడుపులాయే...
యాంత్రికమయినా సాంకేతికమైనా
యాదృచ్చికమైనా.. సహేతుకం కాకుంటే
మానవాళికే మాయని మచ్చ
మానవత్వాన్ని ఆదమరిస్తే
పర్యావరణాన్ని పతనపరిస్తే
పంతంగా జీవరాశినే కబళిస్తుందేమో......
నగునూరి రాజన్న
కరినగరము.
No comments:
Post a Comment