అంశం: భయాలను జయిద్దాం
తేది: 04-11-2020
శీర్షిక: బతకడమే గొప్ప పోరాటం
సంఖ్య : 555
కలిమాయల కైనీడలలో
మూర్ఖుల ముందర బందీగా
తప్పులకు తల్లడిల్లుతున్న జనం
ఒప్పులకే కుప్పల కుప్పల భయం ...
అడుగడుగున ఆవరించే
భయాలను అనుపానుగా ఎదిరిస్తూ
చిక్కుముడులు విడదీస్తూ
జయించడమే బతకడం ...
చీకటి సావాసాల భయాలను
వెలుగు పూలు పూయించి..
ఆటవికతలోని అగడ్తలను
సంఘటితమనే గొంగడితో...
స్వార్థపరుల ఆశల ఛాయలలో
సమిధలయ్యే సంఘటనలను..
నీతి జాతులు మరచిన నాయకుల
నీడలలో నిండామునిగే క్షణాలను..
సత్యమునే సన్నుతంగ నమ్ముకుని...
లక్ష్యం లక్షణమైన ఆలంభనైతే
గమ్యం ధర్మానికి సోదరుడైతే
సంకల్పం చక్కని గమనమైతే
పట్టుదల నిఖార్సైన పెట్టుబడైతే
దీక్షా దక్షతలు ఉచ్వాస నిచ్వాసాలైతే
భయం వీగిపోదా..
భవిత బంగారమవదా....
నగునూరి రాజన్న
No comments:
Post a Comment