అంశం: అలసట
తేది: 04-11-2020
శీర్షిక : ఆత్మీయతల గని ...
సంఖ్య : 32
నిశి తెరలు తొలగకముందే
నిత్యకృత్యాలతో కుస్తీపడుతూ
దినకరున్ని సైతం ఓడించేంత
ఓర్పుతో తానే ఓ సైన్యమై సవాలు
విసురుతుంది ....
కన్న తల్లిదండ్రులను ఒకపక్క
కనిపెంచిన పిల్లలను మరోపక్క
కనిపెట్టుకుని కనికట్టే చేస్తుంది
సవ్యసాచిలా సందర్భాలను బట్టి....
అలుపు జాడలు ఆవలకునెట్టి
అడిగిందే తడవుగా అమర్చుతూ
అనుక్షణం మమ్ము అంటిపెట్టుకుని
కంటికి రెప్పలా ఎప్పుడు కాచుకుని ....
ఇంటిల్లిపాదినీ ఇగురమైన రీతిన
కాలికి మట్టంటకుంట చూసుకుని
అనునిత్యం ఆలనా పాలనలతో
అనురాగం పంచుతుంది ....అమ్మై
అంతటా తానుండలేననేమో
అపురూపమైన ఆత్మీయతల గని..
అలసటసలే ఎరుగని అమ్మను
ఆ దేవుని ప్రతినిధిగా పంపించె
మనందరకి.....
నగునూరి రాజన్న
కరినగరము.
No comments:
Post a Comment