జడ కుచ్చులు

నగునూరి రాజన్న 

అంశం: జడ కుచ్చులు

తేదీ:  21 -10 -2019 

శీర్షిక -  భారతీయం....

సంఖ్య- 307

అతివల సహజాభరణాలు 

అరయ నిశి బోలిన కేశాలు 

సహజ సుందర జలపాతాలు 

సరసిజల శిరోజ భాండాగారాలు .... 

ఆడవారి సున్నిత అందాలకు 

సొబగులద్దే సుందర సాధనాలు 

మగవారి మనసులు దోచే 

మతుల  భ్రమణ కారిణులు .......

రింగుల వంకీలైనా రివ్వుమను పిల్లగాలులు 

అందము లినుమడించు సుందర సుతారంగా 

మరులు గొలుపు పురుషపుంగవులకు

కురుల సిరుల జగనపు సిరి మగువల.....

అచ్చమైన సమయసూచి లొలాకమే 

అలివేణులకు అమరిన జడ కుచ్చులు

వగలు రేపి వయ్యారాలు బోవు 

సిరి సిరి మువ్వల జేగంటలు ...... 

అరవిరిసిన పూలమాలలు 

అలంకారాల సుందర సౌరభాలు 

గుభాళించు జడన విరిబాలలు 

మల్లె గులాబీ చామంతుల శోభలు......

సాదాలైన వంకీలైనా సౌరభాల గుభాళింపే 

జుట్టేదైనా ఆడపిల్లలకు జట్టుకట్టు ఆనందాలు 

అలవోకగా సింగారిచే అందమైన కురులు 

సిరులొలికించే చిన్మయ భారతీయం ....

నగునూరి రాజన్న

కరీంనగర్.