నగునూరి రాజన్న
అంశం: వనభోజనాలు
తేదీ- 02 -11 -2019
శీర్షిక - ఆరోగ్యమె ఆదిమూలం....
సంఖ్య :
కాలాలన్నీ కమనీయమే
కనువిందు చేయు మనోహరమై
వర్షరుతు కనుమరుగై
శరదృతువు ఏతెంచ......
కోరి చేరిన కొత్తనీటి చెంత
కోతిగుణపు క్రిములు చేరు
వాలు చూసి వాత బెట్టు
వాటమైన హాని చేయ మానవాళికి....
ఆరోగ్యమే ఆనందాల మూలమని
ఆనాడే ఆచరించిరి ఆర్యులు
అనేకమయిన కాలానుగుణ
ఆచార సాంప్రదాయాలు........
సూక్ష్మజీవుల నుండి సురక్షితం కోరి
మెరుగైన ఆరోగ్యం మేలు కోరటంచు
మెండుగా కలిగిన మేలైన ప్రాణవాయుకై
దండుగా కదిలేరు నిండు స్వాగతం పలుక....
పారాడి వచ్చెదరు ప్రతిఒక్కరు
పరుగుపరుగున వనభోజనాల పేరిట
పచ్చపచ్చని ప్రకృతమ్మ ఒడిలోకి
పరవశించ అంత పిల్లాపాపలతో.....
నగునూరి రాజన్న
కరీంనగర్
No comments:
Post a Comment