నగునూరి రాజన్న
వెలుగు నీడలు
తేదీ 26 - 11 -2019
శీర్షిక - వెలుగు విరామమైతే నీడ నిరసిస్తుంది.
సంఖ్య - 322
వెలుగు పూలు పంచే
విశ్వ రేడు అయినా ......
పిండి వెన్నెలలు ఆరబోసే
శశి వదనుడైనా చేరలేరు
విశ్వపు అంచులు సాంతం ఏక సమయాన ....
నీ వెంటే నేనంటూ
నీ తోడు నేనంటూ
అడుగడుగున అనుసరిస్తూ
ప్రతిచోటా పలకరిస్తుంది....
నీడై వెంబడిస్తుంది నిక్కచ్చిగా
వెలుగును కమ్మేస్తుంది
అర్ధ భాగం అటుఇటుగా .....
వెలుగునంటిపెట్టుకునే వేగుచుక్క
అద్దుకునిలిచే పొద్దుతిరుగుడు పూవు
అసలు రూపాలకు ఆనవాళ్లు
చుట్టూ తిరిగే దగ్గరి చుట్టం
అలికిడి చేయని అనుచరుడు.....
ముద్దుగా పట్టుమని పట్టుబడదు
మురిపంగా గారాలు పోయి చంకనెక్కదు
చిక్కని దొరకని చిగురుటాకు ......
విడదీయరాని అనుబంధం
వివరించలేని ఆత్మీయం
విసుగు విరామం లేకుండా
అంటిపెట్టుకునే ప్రతిరూపం.....
వెలుగు విరామంలో
నీడ కూడా నిరసిస్తుంది......
నగునూరి రాజన్న
కరీంనగర్
No comments:
Post a Comment