నగునూరి రాజన్న
ఆత్మ విమర్శ
తేదీ 25 - 11 -2019
శీర్షిక - తొంగి చూస్తే కదా.....
సంఖ్య - 321
ప్రాణులన్నింటికీ ప్రత్యేకమే అయినా
మానవులకేమో మహోన్నతం సుమా!
తన పర బేధాలు పాటించకుండా
మంచి చెడుల మతలబుల బేరీజులకు
న్యాయాన్యాయాల సునిశితాలకు
అంతరిక్ష శిఖర పురోగమనాలకు
ఆత్మ విమర్శను మించినది లేదు.......
ఎవరో వచ్చి ఎదో అన్నాక
ఎందుకు భంగపడాలి.......
లోపలకు తొంగి చూసుకోగలిగితే
లోపాలు సరిదిద్దుకోగలం.......
నిజానిజాల నిప్పురవ్వలు
నిలకడమీదైనా దహించకమానవు.....
నీడలా వెన్నంటే దోషాలను
నిత్యం పరికించుకోగలిగితే
నిగనిగల ముత్యమై
నిండు శ్వేత వర్ణమై
నిజ శోభల వర్ధిల్లవా......
నగునూరి రాజన్న
కరీంనగర్
No comments:
Post a Comment