శుభలగ్నం

నగునూరి రాజన్న

శుభలగ్నం 

తేదీ 23-11-2019

శీర్షిక - అత్యంత శుభలగ్నం 

సంఖ్య - 320

కోటాను కోట్ల జీవాలుగా పరిణామం.... 

కోట్లాది జీవాలపై  ఆధిపత్యం సాధించగల..... 

మంచి చెడుల విచక్షణల మానవ జన్మ .....  

అమ్మ కడుపున పుట్టడమే అత్యంత శుభలగ్నం... 

అయాచిత యాదృచ్చికాలు కొన్నయితే   

అనుభవాల జోడింపుల క్రోడీకరణలతో  

ఆశయాల అనుకూలతలకై  అనుభవజ్ఞుల 

అమలు ప్రణాళికల నిశ్చయాలు చాలా..... శుభయోగం

అపురూప సందర్భాల సన్నివేశాలు  

అప్రతిహాత గమనాలకు 

అలవోక గమ్యాల చేరికలకు 

గృహ ప్రవేశం,వివాహం,వ్రతాలు,దీక్షలు .... శుభకార్యం 

కాల మాన పరిస్థితులను 

కరుణించే వాతావరణాలను 

కర్మానుకూలతలకు అనువర్తింప 

చేసుకోవడమే ........... శుభకరణం 

ఇవన్నీ ఒకెత్తయితే ..... 

పరిసరాల పతనాలను పక్కవారి మంచి చెడులను 

పదే పదే గుర్థించడమే కాకుండా .  

మనలోని మంచి చెడులు గుర్తించుకుని  

మననం చేసుకుని మసలుకోవడమే   ....

ఈ జన్మకు....  ప్రపంచానికి....    అత్యంత  శుభలగ్నం ...... 

 

నగునూరి రాజన్న 

కరీంనగర్