దూది మేడ

నగునూరి రాజన్న 

అంశం - దూది మేడ

తేదీ - 20-11-2019

శీర్షిక -  దూరపు కొండల నునుపే..... 

సంఖ్య - 317 

చూసే వారికి  సునాయాసం .....  

చేసే వారికే భారం  బాధ్యత .....  

ముగింపు సులభమయినా కాకపోయినా.... 

ఆరంభం  ఆపసోపాలు ఆచరణ అష్టకష్టాలు... 

పండు వెన్నెలలను వెదజల్లుచు    

వెండి కొండలను తలపించే 

నిండు పున్నముల శ్వేత వర్ణపు 

కొండ రాశులను పండించడానికి 

ఆరుగాలం కష్టించే హాలికుడు సైతం.... 

ప్రతిఫలం అందుకోవడంలో 

దగాకోరు దళారుల దమననీతికి 

దశాబ్దాల కాలం నుండి 

బలవుతూనే ఉన్నాడు....... 

పరాచికాల పాలకుల 

పలకరింపులు వెక్కిరిస్తున్నా 

పసిమి సమయాల 

పచ్చదనాలకై  పడికాపులు కాస్తునే ఉన్నాడు.... 

రంగులే జీవితంగా 

రంగు రంగుల ప్రపంచంలో 

సరాగాలు పలికిస్తూ 

సకల జనులను సంతోషింపజేస్తూ 

రాజ్యమేలుతున్నారనుకునే వారిలో కూడా 

రాలిపోయే సమిధలెన్నో...... 

తరచి చూస్తే తప్ప దొరకని  

తీరం చేరని అలలని....    

మెరిసే మేలిమి లన్నీ 

దూరపు కొండల నునుపేనని  .... 

నగునూరి రాజన్న 

కరీంనగర్