నగునూరి రాజన్న
అంశం: బాలల దినోత్సవం
తేదీ 14 -11 -2019
శీర్షిక : బంగరు భవిత మా హక్కుభుక్తం....
సంఖ్య : 315
చిన్ని చిన్ని బాలలం
సిరులొలికించే మొగ్గలం
అమ్మ నాన్నల అడ్రసులం
భావి భారత పౌరులం .....
చిట్టి పొట్టి కానుకలతో
చిరాకులే పెంచకండి ....
చిరంజీవులుగ మేము బతుక
స్వచ్చతను మాకు వదలండి ......
అన్నింటా పాశ్చాత్యమంటూ
అంటిచుకున్నారు నాగరికతలో
అక్కెరకొచ్చే స్వచ్చతలో మాత్రం
అడుగు ముందుకు వేయరెందుకో....
దైవ రూప సాక్షులం
దేవులాడే బతుకు పోరులం
దెబ్బదేండ్లు గడిచినా
దెబ్బలు తినే చదువులేనా ........
ఉరుకుల పరుగుల చదువులతో
ఊపిరి సలపని ఇంటి పనులతో
ఉసురు తీస్తున్నారు మా తరానికి
ఉచితమేనా ప్రశ్నించుకోండి ......
పుష్టి నిండిన భావి తరానికై
పౌష్టికాహారం అందించండి
పుర స్వచ్చతలు పాటించండి
స్వచ్ఛ నీరు గాలి వదలండి
స్వార్థాలను సమాధి చేయండి
సరళమైన విద్యలు నేర్పండి
సుందరమైన ఆరోగ్యాన్నివ్వండి
బంగారు భవిత మా హక్కుభుక్తం....
భావి తరాలకు బాధ్యతగా
బలీయమైన పాలనలు అందించండి....
నగునూరి రాజన్న
కరీంనగర్.
No comments:
Post a Comment