పెళ్ళి చూపులు

నగునూరి రాజన్న 

అంశం: పెళ్ళి చూపులు

తేదీ:  19 -10 -2019 

శీర్షిక - మున్ముందటి తతంగమే పెళ్లి చూపులు .......

సంఖ్య- 307

ఆచారమో  ఆమోదయోగ్యమో  సశాస్త్రీయమో 

ఆడపిల్లను అత్తవారింటికి 

పంపాలన్న అమ్మానాన్నల 

ఆరాటాల ప్రతిరూపానికి  ప్రథమాంకం.....

సంస్కృతి సంప్రదాయాల సంపదలతో 

సంఘజీవి సంస్కరింపబడటమే...ప్రధానం 

ఆయురారోగ్యాల భోగమే అవనిలో మేలైన భాగ్యం 

మనిషెప్పుడూ ఆనందాలవైపే మొగ్గు....

పుట్టుక నుండి పుడకల వరకు  మనిషి 

మెట్టు మెట్టుకు ఉత్సవాలే... శోభాయమానమే... 

పట్టు కలిగి నిష్టగా గరిమై జీవించాలంటే 

పుట్టు పూర్వోత్తరాల చరిత్రలే ఆధారాలు.....

సవ్య దిశన సంఘపురోభివృద్ధికై నిలిచే

సత్సంతాన వ్యవస్థార్థం...ఉత్తమ ఉపనిషత్తుల 

ఉపయుక్తమైన సమంత్రీక పెళ్లి తంతులో వెలిసిన 

ముప్పదారు పెళ్లి ముచ్చట్ల  మురిపాల పట్టికలో 

మున్ముందటి తతంగమే పెళ్లి చూపులు .......

కలిగిన వారికి కలిగినంత 

కలికి మా లక్ష్ములకు కఠిన పరీక్షలు

కథానాయకులతో ముఖాముఖి

కాలమాన విధానాల కలయికలు....

మంచి మనుషుల కలయిక కోసం 

మంచి మనసుల వెతుకులాట .....

ముచ్చటైన సుముహుర్తాన ఏర్పరిచే 

ముదం కూర్చు పెళ్లి చూపులు  .........

రాబోవు తరం రత్న విలువ ఖచితమవ్వ

రాచమార్గమేర్పరిచే సమంత్రీక పెళ్ళితంతున

పెద్దల ఆశీర్వాదాయుక్తమైతే ప్రశాంతతే 

తరమంతా.... పారమార్ధమే పెళ్ళిచూపులు .. 

నగునూరి రాజన్న

కరీంనగర్.