నగునూరి రాజన్న
అంశం - ఉసిరి
తేదీ -06 -11 -2019
శీర్షిక - ఆయుశ్శుకు ప్రపూర్ణం....
సంఖ్య - 311
ఆరోగ్యమే మహాభాగ్యమటంచు
అందరికి తెలుసా అంటే...తెలుసు మరి...
కాలానుగుణంగా కాయము కాపాడుకొనుటే....
అయినా అక్షరాలా ఆచరించేది కొందరే సుమా!
అన్నిటికన్నా ఆదిమూలం ఆరోగ్యమేనంటూ
ధన్వంతరిగా దైవం ధరణిలోవర్ధింప జేసి
శుశ్రూతునితో ఫరడవింప జేసిన వ్రతం
ప్రజారోగ్యమే పరమావదన్నది నిక్కము....
దేవతల మేథోమథనాల జనియించి
ప్రజల ఆరోగ్యాల పరిరక్షణలకై పయనించి
ఋషులద్వారా ప్రజల్లోకి పల్లవించి
పదిలమై నిలిచింది ఆయుర్వేదం......
అంత: బాహ్య సౌందర్యాలకు
అసలు కిటుకు అంగాంగ సంరక్షణమే
మేనుకైనా మేధకైనా పేరెన్నిక గని
మెప్పులు పొందిన పెన్నిధి మన ఉసిరి....
ఒకటి కాదు రెండు కాదు ఆసాంతం ....
చెట్టు బెరడు ఆకు పువ్వు కాయ....ప్రతీది....పవిత్రమే
వాంతులు విరేచనాలు అజీర్ణం హుష్ కాకి....
పుష్కలమైన విటమిన్ సి రోగనిరోధకాలు
ఆంటీ ఆక్సిడెంట్లకు నిలయం మన ఉసిరి...
నిజం చెప్పాలంటే ఉసిరి మన వెంట ఉంటే
ఉసురు లేదు మన ఆరోగ్యానికి...
ఆరోగ్యకరమైన ఆయుష్షుకు ప్రపూర్ణం.......
అందుకే పూజనీయం...
పూర్వీకులనుండి పుణికి పుచ్చుకున్న అపూర్వం...
నగునూరి రాజన్న
కరీంనగర్.
No comments:
Post a Comment