అమావాస్య చంద్రుడు

నగునూరి రాజన్న 

అంశం: అమావాస్య చంద్రుడు

తేదీ:  17 -10 -2019 

శీర్షిక - విను వీధిన నిలిచిన శ్వేత విహంగం

సంఖ్య- 305 

విను వీధుల ప్రపంచ పాలపుంతల్లో 

విశ్వానికి పున్నమి వెలుగులు పంచే

అందమైన సుందర చంద్రమలెన్నున్నా

అవనికి సోదర వరసైన మామేకదా... మన చందమామ

నిశి చీకట్లను పెనవేసుకున్నా 

వసివాడని విశ్వ చరితకు 

ప్రతీది ప్రకృతి ధర్మమేనంటూ 

ప్రస్ఫుటపరిచే పచ్చి నిజపు ఆనవాళ్లు.... 

కృష్ణమందు క్షీణిస్తూ 

శుక్లమందు వృద్ధిచెందుతూ 

కటిక చీకిటికి కరవాలమై నిలిచే 

నిశి రాత్రుల చెరబట్టే నక్షత్ర రేడుగా

జీవితాన కష్ట సుఖాలు కలిమి లేములు 

కలిసి ఉండే ఆనవాళ్లేనని 

చెప్పకనే చెప్పిన స్థిత ప్రజ్ఞత సూచీ!

నాగరికతల పోకడలతో 

నరునికి కాల గణనల మూలమై 

నక్షత్రాల కదలికల సంబంధాలను బోధపరుస్తూ

మీన మేషాల పంచాంగాలకు ఊతమైంది...

సాంకేతికత సమృద్దతతో 

అంతరిక్షపు వింతగా 

ఖగోళ విషయ పరిజ్ఞానపు 

వింతల శోధన సాధనంగా

విను వీధిన నిలిచిన శ్వేత విహంగం....

నగునూరి రాజన్న

కరీంనగర్