నగునూరి రాజన్న
అంశం - మరీచిక
తేదీ - 16-09-2019
శీర్షిక - మానవత్వం ?
సంఖ్య - 289
ఎంత సేపు పరుగే లక్ష్యం
స్వంత నియంత్రణ లోపం
అగమ్యమౌతున్న సహనం
అనుపానులకు అదే ఊతం
ఆశ మనిషికి గమ్యం ఏర్పరిస్తే
ఆశ్రయించడం అనుకూల స్వప్నం
అకుంఠిత దీక్ష పట్టుదలే సాధనం
అనుసరించాలి గురు గమనం....
అత్యాశ ఎప్పుడు నిరాశలకు పథం
అడ్డ దిడ్డాలను ఆశ్రయింప చేస్తుంది
అడుగులు తప్పటడుగులై
అవుతుంది ఇక పతన మార్గం
పచ్చని ఆత్మీయతలు పరుచుకున్న
పండంటి కుటుంబ బంధాలలో
పచ్చనోట్ల చిచ్చులు నివురుగప్పిన నిప్పువలె
దాగుడుమూతల దోబూచులాడుచున్నాయి....
అపురూప అనుబంధాల లోగిళ్ళలో
ఆస్తులు అంతస్తులు అశనిపాతమై
స్వార్థ శక్తుల సంకుచితాలలో
సర్వ ప్రణాళికలు సతమతమౌతున్నాయి
మనిషి నీడే మనిషిని కాటేస్తూ
మనీ తప్ప మరేమీ లేదన్నట్టుగా
మానవత్వాలనే మంటగలుపుతూ
మరీచికలై దాగుడుమూతలాడుతున్నాయి!
నగునూరి రాజన్న
No comments:
Post a Comment