వెదురు

నగునూరి రాజన్న
అంశం -  వెదురు
తేది  - 21-09-2019
శీర్షిక - గడ్డి కుటుంబం
సంఖ్య - 293

గడ్డి కుటుంబమే అనుకుంటాం కానీ
గట్టి మేలు తలపెట్టే వెదురు సుమా !
నిట్టాడులా అన్ని అమర్చుకున్న కుందనం ...

పచ్చ కోక చుట్టుకున్న నిండు ముతైదువలా
పచ్చని అరణ్యాలకు అలంకారాలు
పర్యావరణానికి పెట్టని కోటలు...

శీతల వాతావరణాన  చిగురించినా
కొన్ని రకాలు గంటల్లోనే అడుగులు పెరిగి
ఆకాశ రాజుకు హారథులై నిలుచు...

కదిలిపోయే కరి మబ్బుల నిలిపే
వర్షపు ఛాయలకు నీలి జాడలు
పాడి పంటలకు పరోక్ష ఊతాలు ....

ఆధ్యాత్మికత  అందిపుచ్చుకున్న
నిండు శోభనిచ్చు పూల పండుగలో
గౌరీ దేవికి ఆసనమై నిలుచు శిబ్బిగా ....

జన జాతరను తలపించే
వనదేవత ఉత్సవం మేడారంలో
అమ్మ ప్రతిరూపం కుంకుమభరిణగా...

నాగరికత నడకలలో ప్రతి అడుగులో
కఱ్ఱ ఊతమై కల్పించు పనిముట్లు
గుజ్జు తయారీతో కాగితాలకు మూలం...

సరాగాలు వల్లించే సంగీత సాధనం
సుందరమై నిలుచే రమణీయ గానం
మాధవుని జాడల రాధమ్మ మనోవ్రతం....

అన్నార్తుల పాలిట అన్నపూర్ణ
ఆయుర్వేదపు ఆణిముత్యమైన వన మూలిక
అంతటా తానై నిలిచిన సర్వాంతర్యామి....

నగునూరి రాజన్న
కరీంనగర్ (USA)