మనసొక మధు కలశం 24-01-2020

మనసొక మధు కలశం

తేదీ - 24-01-2020

శీర్షిక - విచక్షణల కిరీటం

సంఖ్య - 348 

అసంఖ్యాక జీవరాశిలో 

ఆలోచనల జీవనదులు 

మనిషికి మాత్రమే సొంతం....

మంచి చెడుల విచక్షణల

మహోజ్వల కీర్తి కిరీటం 

రూపమున్న మనిషికి

రూపంలేని మనసే మిన్న 

కలిసిన మనసున ప్రేమలు నింపి  

కలిమి లేముల్లో తోడుంటుంది 

మురిసిన మనసున ఆత్మీయతలు నింపి 

కష్ట సుఖాలలో ధైర్యాన్నిస్తుంది 

గుప్పెడంత గుండెలో పరుచుకున్న 

మధుర ఊహల ఆశల పల్లకి.....

గండి పడిన పర్యావరణపు 

గతుకులోలె కలుషితమయి 

గతకాలపు ప్రేమలను దూరం చేసి 

గమ్మత్తుగా గెంతుతున్నది ..... 

మనసన్నది మనిషికి సృష్టి కానుక 

స్వతహాగా మధుకలశమైనా .....

మసిబారించి మనిషే చేస్తున్న 

వికృత చేష్టల విషపు ఇంద్రజాలం...భైంస

శత్రువును సైతం ఆకర్షించి 

శరత్చంద్రికలను పూయించగల 

జాతిపితల మధుకలశం అయినా .....

సోదరత్వాన్ని మరిచి ద్వేషించి 

దూరం చేసుకుంటున్న ముష్కరులం....

నగునూరి రాజన్న

కరీంనగర్