సంయమనం
తేదీ - 07 -01 -2020
శీర్షిక- ఓటమెరుగని విజయం... సమున్నత శిఖరం...
సంఖ్య-
మర్కటాల మార్పుల్లోనే కాలానుగుణంగా
మనిషి ఉద్భవించాడన్నది .. పచ్చి నిజం
అందుకేనేమో అప్పుడప్పుడు ఆనవాళ్లు
అంకురించి అద:పాతాళానికి మార్గాలు వెతుక్కుంటున్నడు....
వేల వత్సరాల అనుభవాలతో
బ్రతుకు బ్రతుకనియ్యని నేర్చుకున్నా....
మరలు కనుక్కొన్న మనిషి అన్నీ మరిచి
బ్రతుకు భయాలతో నింపేసుకుంటున్నడు....
సాంకేతికతలో సమున్నత శిఖరం
సాధించాడని సంబరపడే లోగ
సాటి మనిషిని గౌరవించలేనితనాన్ని
సంకనేసుకుని ఊరేగుతున్నడు.......
ప్రతి మనిషికి ప్రత్యక్షంగానో పరోక్షముగానో
పక్కవారి అవసరం ఉంటుంది...అయినా
ఎప్పటికైనాఎదుటి వారిని ఓడించాలనే
ఎదురుచూపుల్లోనే కాలం గడిపేస్తున్నడు...
ప్రతి మనిషికి ప్రత్యక్షంగానో పరోక్షముగానో
పక్కవారి అవసరం ఉంటుంది...అయినా
ఎప్పటికైనాఎదుటి వారిని ఓడించాలనే
ఎదురుచూపుల్లోనే కాలం గడిపేస్తున్నడు...
సై అనే సత్తా ఉందా లేదా అన్నది ఊసే కాదు
సంయమనాన్ని మించిన సాధనం లేదు...
ఒక్కసారి ప్రయత్నించి చూడు
ఓటమెరుగని విజయాన్ని చేకూర్చి
ఒద్దికగా నిను శిఖరము జేర్చు......
స్వాతంత్ర్య సమరమే సాక్ష్యమందులకు .....
నగునూరి రాజన్న
కరీంనగర్.
No comments:
Post a Comment