నీటి బుడగ
03-01-2020
శీర్షిక - మారని మనిషి
సంఖ్య - 342
ప్రకృతి పసికందువైనా...
ఓ క్షణమైనా చాలటంచు
ఓలలాడిస్తావు చిన్న పెద్దలను
తారతమ్యాల తంటాలు లేవు....
కదిలే నీటిలోనైనా కనబడుతావు
కడలి వరకైనా పయనిస్తావు
సప్త వర్ణాలను సంతరించుకుంటావు
కనిపించినంతనే కనువిందు చేస్తావు
ఏక్షణాన ఏమి జరుగునోనని తెలిసినా
ఎదిరించి అడుగులేస్తావు
చింతిచక చిరు ప్రయాణమైనా
చిరునవ్వుతో చిందేస్తావు .....
జీవన నగ్న సత్యాన్ని బోధిస్తావు
జీవించి జీర్ణించి విశదపరచినా .....
జిహ్వకో రుచి పుర్రెకో గుణమై
జీర్ణించుకోరీ దీనజనులు .......
మరుక్షణం మరణమైనా
మహాతత్వాన్ని నువ్వు భోదించినా ....
మాట వరుసకు నిన్ను వాడుకుంటూనే
మారరెందుకో ఈ మనుష్యులు.....
నగునూరి రాజన్న
కరీంనగర్.
No comments:
Post a Comment