శుభాకాంక్షలు

శుభాకాంక్షలు 

01-01-2020

శీర్షిక -

సంఖ్య - 342

ఆకు రాలే శిశిర ముగింపులకు  

వసంతాల నూతనత్వపు చిగుళ్ళు.....

ప్రతి ముగింపు ఒక నూతనత్వానికి నాంది 

వీడ్కోలు వెనకే ఆత్మీయ ఆహ్వానాలు...

గతాన్ని నెమరేసుకుని గొల్లుమని 

గోళ్లు గిల్లుకుంటే కళ్లు చెమర్చుతాయి....

నిన్నటి అలసత్వానికి బై బై చెప్పాక

నడుం బిగించాల్సిందే నవ శకానికి...... 

నోటితో శుభం పలుకుతూనే 

నొసట వెక్కిరించినటుల పాశ్చాత్య పోకడలు

నోరులేని జీవహింసలు అప్రస్తుత మత్తుసేవనాలు

జోరు హోరుల కోలాహలలు....

ప్రతి తొలి అడుగుకు ప్రతి  విజయానికి 

ఆత్మీయ శుభ సంకల్పం శుభ కాంక్షింపు

సర్వ వేళలా సర్వ సమ్మతమే...... 

పలికేది శుభం పంచేది అశుభం 

జీవహింస మత్తు సేవనం పాశ్చాత్యం

అత్యున్నత మానవ జన్మ ప్రసాదించినందుకు 

అమ్మానాన్నలు ఆలనలు పంచినందుకు... 

గురువర్యుల గురుత్వం కురిపించినందుకు 

అడుగడుగున ఆదరించిన ప్రతి ఒక్కరికి ....

తెలుపాల్సిందే మన:పూర్వక శుభాకాంక్షలు....

నగునూరి రాజన్న

కరీంనగర్