కనుమ

కనుమ 

తేదీ 16-01-2020

శీర్షిక -  ధన్యవాదపు పలకరింపు... 

సంఖ్య - 345 

ఆరుగాలం అంటిపెట్టుకుని 

ఆనతిచ్చిన ప్రకృతి పరిసరాలకు 

దాపు నిలిచిన పశు పక్ష్యాదులకు 

ధన్యవాదపు పలకరింపులే.... కనుమ 

పరుల మేలే ప్రతి క్షణం

ప్రకృతికి  భూమాతకు 

మంటిన పిడికెడు ఇంటిని గాజెడు 

కంటికి రెప్పై సదా కాచుకొనదే 

ఒంటిని పోషించ మానవాళిని.... 

పంటలు దండిగ చేతికందగ 

పరవశించి పూజింతురు ధరణి మాతను 

సప్త వర్ణ శోభితమై సంబరంగా అలంకరించి    

పూలు పండ్లు పుష్కలంగా సమర్పించి.... 

 

పండులోన గుజ్జు తిని గింజ విసర్జించు  

పదులలలోన చెట్లు వ్యాప్తి చెంద... 

పరితపించు పక్షి  తాను సైతం 

పాకులాడు పర్యావరణ సమతుల్యతలకై .... 

కల్లా కపటమెరుగని పిల్లా పాపల్లా 

కలియ తిరిగే చిన్ని పిచ్చుకలను  

కనిపెట్టుకుని కడుపారా విందు జేయ 

పాల కంకులు పందిరికి వేలాడదీతురు ....  

ప్రజల క్షేమం బాగోగులకై 

పరిశ్రమించు పశువుల పాలనలకు గాదె 

పాటింతురు సర్వ మానవాళి 

పరిమళాలు వెదజల్లి పశువుల నలంకరించి...

నగునూరి రాజన్న 

కరీంనగర్