కాలం చేసిన గాయం
కుప్పలు తెప్పలుగా నిండిపోయిన
గతాల గంపలను కుమ్మరించుకుంటే
మంచి చెడుల మనోగతాలే....
ఆత్మీయతలే అన్నపానీయాలుగా
ఆహరహరం శ్రమించి పోషించిన
అమ్మానాన్నల అడుగు...దూరమైన వేళ....
అమ్మ పాలు పంచుకున్న తోబుట్టువులు
అనురాగాలకు ఆలవాలమైన బాల్యం
అన్నీ మరిచి ఆర్థికాంశాలకు చిక్కిన వేళ .....
అరమరికలు లేని మిత్రుత్వం
ఆప్యాయతలు కలబోసుకున్న చిత్రం
వయసుల వారీగా కదిలి పయనించిన వేళ....
రాగ బంధమైన రక్త సంబంధీకులు
రాచపుండు రోగాన రాలిపోతుంటే
రక్షణ లేని రాయిలా నిలిచిన వేళ....
నావాళ్ళని నమ్ముకున్నోళ్లు
నమ్మకాలను వమ్ముచేసి
నట్టేట ముంచి నావ చేజిక్కించుకున్న వేళ ....
మమతలు నిండిన మనిషి బ్రతుకు
మాయలు పంపిన ప్రపంచమని
జీవుడి పయన సాధనమని ఎరిగిన వేళ....
నగునూరి రాజన్న
No comments:
Post a Comment