బాలల గేయం తేదీ : 14-11-2021

బాలల గేయం

తేదీ : 14-11-2021

 చిన్నారి పొన్నారి బాలల్లారా 

చిగురించి వికసించే మొగ్గల్లారా 

నేటి బాలలు మీరంతా 

రేపటి పౌరులు దేశాన  

స్వచ్ఛ చరితలే  చదవండి  

సరైన భవితను దిద్దుకోండి ..  //చిన్నారి//

స్వాతంత్య్రం జన్మహక్కంటూ 

సమర వీరుడై గర్జించెనురా 

అతివాదిగా పేరు పడిన 

అమరవీరుడు బాల గంగాధరుడు //చిన్నారి//

కల్మషమెరుగని క్రాంతివీరుడు 

నిర్మల హృదయ బోసుబాబు 

పొరుగులతోడ చేతులు కలిపి 

పోరు బాటను నమ్మిన వాడు... //చిన్నారి//

 

సంఘటించె సంస్థానాలను 

సమైఖ్య దేశం ఉద్భవించ .

సర్దారు వల్లభును తలుచుకోండి

నిర్ధారణలను చేసుకోండి..   //చిన్నారి//

 

శాస్త్రిగారిని శ్వాసించండి 

దేశ భక్తిని నింపుకోండి 

ధైర్య సాహసాల దండి రూపం 

నీతి పాలనలకు  నిర్వచనం ... //చిన్నారి//

మిస్సైల్ మెన్  గా పేరుపొందిన 

కలాం గారిని నిలుపుకోండి ... 

కష్టాలకు వెరవకుండా 

కలలు సాకారం చేసుకోండి .... //చిన్నారి//

నగునూరి రాజన్న 

కరినగరము