నగునూరి రాజన్న
గమ్యం తెలియని పయనం
తేది - 29-11-2019
శీర్షిక - బహు దూరపు బాటసారి
సంఖ్య :324
వద్దే వద్దు అలాంటి పయనం
ప్రతి ప్రాణికి ఉందొక గమ్యం
చిట్టి చీమకు ఉందొక గట్టి గురి ...
కాలం మారినా కడుపు నింపుకునే ఆశయం...
విజ్ఞానవంతులమని విర్రవీగే మనకు
వివేకం వివేచనలే తోడు ఆయుధం ...
వినమ్రంగా తొంగి చూస్తే చిక్కుట ఖాయం....
విజయ తీరాలను చేరుట తథ్యం
అత్యవసరాలు , అవసరాలు
ఆనక కోరుకునే సంతోషాలు.....
అన్నీ కలగలపక ఆలోచిస్తే
అంతు పట్టదా తక్షణ కర్తవ్యం.....
పట్టింపు లేని పాలకుల లాగా
ఎట్టి చాకిరీల ఎత్తిపోతల లాగా
భయం లేని బడా అధికారుల్లాగా
భక్తి లేని భక్తుల్లాగా వద్దే వద్దు....
శ్రద్ధ లేని శ్రాద్ధం భూమికి భారం
కర్మ భూమి మన దేశం నమోనమామి
కదలాలి గమ్యమెఱిగి మనమంతా
కదం కలిపి బహుదూరపు బాటసారిగా
కనకమై మెరవదా మన దేశ భవిత!
నగునూరి రాజన్న
కరీంనగర్
No comments:
Post a Comment