మనిషికి మరోవైపు
తేదీ 18-12-2019
శీర్షిక -
మమతల
హంసలు
సంఖ్య - 335
పలు జన్మల పయనం తదుపరి
ప్రశస్తమైన మానవ జన్మన్న ....
వేద ఘోషల పలుకులన్నీ వెతలౌతున్నయి
పురాణ వాక్కులన్నీ పుక్కిటపాలవుతున్
మర్మమెరుగక మర మనుషులై పోతున్నారు ......
బొమ్మ బొరుసుల నాణెమైన మనిషి మరోవైపు
మూల విలువల మారక విలువల మనసులతో
మక్మల్ మడతల ముసుగులో మసలుతున్నాడు
గాజు కళ్ల లోతుల్లో గమనించలేని భావనలు
మధురమైన మాటల మాటున వంచన పరదాలు
చేసే చేష్టల వెనుక చెడుగుడు ఆడే జుగుప్సలు...
నాగరికత నేర్చుకున్నా.... ఆటవిక నరరూపులై
స్వార్థపు అశ్వమై స్వైర విహారం చేస్తున్నది
సంకుచిత నత్తగుల్లగా బిగుసుకుంటున్నది
భరోసా హస్తం భలేగా కొంగ జపం చేస్తున్నది....
మల్లెపూల ఖద్దర్ల వెనుక మురుగుజ్జుల అవతారాలు
ఖాకీ రంగుల కాననలోన కాకమ్మల కమామీషులు
దక్ష పాలకుల వనాలలోన దమనకుల అడుగుజాడలు
ఆదరణ లేని అధికారుల రూపంలో రుధిరపానపు జలగలు
పొరుగు క్షేమం కోరలేని ఆటవిక మోటు స్వభావులు
మొత్తానికి మనిషి నడవడికే అష్ట వంకర్లు ........పోతున్నాయి....
మానవత్వపు కోవెలలో మమతల
హంసలు కావాలి....
ఆత్మీయతల
జవసత్వాలు నింపుకుని
ఆప్యాయతల
సుగంధాలు వెదజల్లాలి
ప్రేమ పావురాలను ఎగురించాలి....
అప్పుడే కదా..... అసలైన మనిషి
విలువలు ముందు తరాలకు అందించగలిగేది......
నగునూరి రాజన్న
No comments:
Post a Comment