మంచు కురిసే వేళలో....
తేదీ - 09 -12 -2019
శీర్షిక- అవని వధువుకు మంచి ముత్యాలు
సంఖ్య- 330
శ్రావణ భాద్రపదాల చినుకు పలకరింపులకు
పచ్చకోక చుట్టుకున్న అవని వధువుకు
మార్గశిర పుష్యముల మంచి ముత్యములు
తలపించును తన్మయానందాల తలంబ్రాలు....
నులి వెచ్చని పొగలు కక్కే ధవళ రాశులు
చెలి కన్నుల్లో మెరిసే వెలుగుల ఛాయలు
కురిపించును మదిలో మోహన రాగాలు
మెరిపించును ఎదలో వన్నెల వెలుగులు
మంచుతో నేసిన హేమంతపు వస్త్రం
వత్తిగిలి నిలిచిన అవని మంచు దుప్పట్లు
యువతీ యువకుల ఆనందాల
ముచ్చట్లు
హత్తుకునే మనోల్లాసాల మధుర క్షణాలు ......
చరిత్ర పాటలై చక్కిలిగింతలు చేస్తున్నాయి .....
ఇప్పుడు మాత్రం .....
పర్యావరణ కాలుష్యాలతో పలుచనై
ప్రజల పడిగాపులేనాయె ప్రతి కాలానికి .....
చలి పులితో పులకరించాల్సిన మనం
సేద దీరుతున్నాం పంకాల పైరగాలికి .....
మాటల ప్రవాహాలకు అనకట్టలువేసి
చేతల చికిత్సల శ్రద్ధలు చూపక పోతే
మనిషి ప్రశాంత మనుగడే ప్రశ్నార్ధకం......
ముందు తరాల ముందు మనమంతా దోషులమే .....
నగునూరి రాజన్న
కరీంనగర్.
No comments:
Post a Comment