నగునూరి రాజన్న
కనురెప్పల సవ్వడి
తేది - 28-11-2019
శీర్షిక - కవల కనుదోయిల కంచె
సంఖ్య : 323
కవల కనుదోయిలకు కాపలా కంచె
కరుకు కోమల హావభావాలకు సాక్ష్యాలు
కనుపాపల ఆయుష్షుకు రక్షక భటులు
కాలానుగుణ ప్రకృతి కర్కశాలకు భద్రత....
రెప్పలు
కవలలైన కనులు రెండే అయినా
కదిలి కురిపించు భావాలనేకం....
కమ్మని అనుభవాలకు ఆలవాలమయి
కనికట్టు చేసి కథలు నడిపించు .....
చూసీ చూడనట్టు నటించినా
చూపులతోనే మాటాడినట్టు చేసినా
మౌనంగా వేదనలు భరించినా
మొహంగా భావాన్ని ప్రకటించినా......
నిప్పులు కురిపించి నిలువరించినా
కరుణ వొలకబోసి కాపాడినా
జాలి ప్రకటించి దయ జూపినా
దానవత్వం దర్షింపజేసి దహించివేసినా ....
నవరసాల పోషణకు నాందీ అయిన
నాడీ కేంద్ర ప్రాతినిత్య నాటక రాయుళ్లు....
నిశీధిలో అలసి సొలసి నిద్రిస్తే
దృశ్య కవాటాల రక్షిత కాపలా తాళాలు ....
నగునూరి రాజన్న
కరీంనగర్
No comments:
Post a Comment