రోజు కూలి బతుకులు మారలేదు
ప్రజాస్వామ్యం పేరు చెప్పి పాలనలు వచ్చినా
పేదవాడి బ్రతుకు చిత్రం మారలేదు
మేడే పేరు చెప్పి పెద్దోళ్లంతా సందడి చేస్తే
శ్రామికునికేమైనా సంతోషం దొరుకుతుందా?
దగాకోరు దలారీ తనం ఉన్నంత వరకు
నిఖార్సయిన ప్రతిఫలం చేరుతుందా కాలే కడుపుకు?
స్వార్థ రాజకీయాలు,దళారీ వ్యవస్థ మారితే ,
లంచగొండి అధికార హయాములు మారితే ,
కళ్ళ గంతలు తీసి న్యాయాన్ని సమం చేస్తే
కనవచ్చును అసలు సిసలైన మేడే పండగ అందరి ఇంట
No comments:
Post a Comment