ముఖచిత్రం
21-04-2020
శీర్షిక: సంక్షిప్త భావ సారం....
సంఖ్య : 399
భావమార్పిడికి భాష పని ముట్టయి
అంతరంగ హావభావాల అభినయంలా
అక్షర భాండాగారానికి దన్నుగా
ఆరబోసే అందమైన రూపకల్పన....
హాయి గొలిపే పచ్చిక బయళ్ళు
హోయలొలికే జలపాతాలు
అందాలప్రకృతి ఆనవాళ్ళలా
రారమ్మని పలికే తారా తోరణం.....
అరుణవర్ణ కలబోతల నీలి మేఘాలు
రాగాలు పలికి రక్తిగట్టించే శుకపికాదుల్లా
తైలవర్ణ చిత్రంగా ఆకట్టుకునే అందం ...
అపురూప అమృతతుల్యపు గాలివీవెనల
శుభోదయపు ఘడియల్లా...
పాఠకునికి పంపే ఆహ్వాన కుసుమం....
ఐదేళ్ల పాలనలో పాలకుల పనితనం
ప్రజల బతుకుల్లో ప్రతిబింబించినట్టు
కవి హృదయాన్ని ఆవిష్కరించే మంత్రదండం...
సంఘములోని సంగతులకు స్పందించి
కప్పి చెప్పే కవితలను సృశించి కాచి
వడపోసే సమీక్షకుని ముందుమాటలా.....
సంక్షిప్త భావ ప్రకటన సారం....
నగునూరి రాజన్న
హైదరాబాదు.
No comments:
Post a Comment