పులిపై స్వారీ
29-04-2020
శీర్షిక: సహజ సాధనం ... ఓజోను
సంఖ్య : 406
పరోపయోగమే పరమావధిగా
పరితపిస్తుంది ప్రతి క్షణం
పంచ భూతమయమైన ప్రకృతి
ప్రాణవాయువై ప్రాణాధారమై .....
అంచెలంచెలుగ అడుగులేస్తూ
అన్నీ గెలుస్తున్న ఆదిమానవుడు మాత్రం
అనుభవాలను ప్రోది చేసుకుంటూ
అసలైన అపాయాన్ని కనిపెట్టలేక పోతున్నడు
ఉచితమైన వనరులే కదా అని
ఉచితానుచితాలు మరిచిన మనిషి మాత్రం
ఊడ్చేస్తున్నారు వ్యక్తిగా, వ్యవస్థగా...
ఊపిరి విడవాల్సిన ఉపద్రవం గుర్తించలే
రాజుగారి పాలబిందెలో
రహస్యమైన మనిషికో చెంబు నీళ్లలా....
పర్యావరణమనగానే ఎదో
పక్కవారి పనిలా అనుకుంటే ఎలా ?
అతి నీలలోహిత కిరణ వడబోతకై
అడ్డునిలిచిన సహజ సాధనం
అంతకంతకు క్షీణిస్తుంటే.... మనిషి మాత్రం
పులిమీద స్వారీ చేస్తూ వెనుతిరిగి
చూడటం లేదు......
నగునూరి రాజన్న
హైద్రాబాదు
No comments:
Post a Comment