30-04-2020
శ్రీ శ్రీ. జయంతి ప్రత్యేక కవిత.
శీర్షిక: రెక్కలు విప్పిన రెవెల్ల్యూషన్
పేరులోనే పెన్నిదైన శుభాల సుందరం
ప్రాస కలిగిన ప్రథమ ద్వితీయ అక్షరం
ఇరువైపుల వెలిగించిన కొవ్వొత్తిలా
ఛాయలేని చాందినీయై ప్రకాశించాడు....
ఉత్తుంగ తరంగ ఉన్నత సాహిత్యం
అభ్యుదయ కవిత్వ సారథ్య ఆద్యడు
విరుద్ధ భావాల విచిత్రతత్వం... అయినా
చెక్కు చెదరని అనితర వ్యక్తిత్వం....
ప్రాస శ్లేషల ప్రాణ సముడైన
మజాల మాటల మాంత్రికుడు
ప్రేమలు కురిపించి దేశభక్తి రగిలించిన
సొంపైన వెండి తెర పాటల తాంత్రికుడు ....
ఎనిమిది పదులలోనే పదాలను
పరుగెత్తించి సాహిత్యాన్ని పల్లవించిన పిపాసి.
భాషను భళ్ళున గుమ్మరించి
భావాన్ని చిత్రిక పట్టిన విక్రమార్కుడు.
కవితలు కథలు కథానికలు
నాటికలు నాటకాలు మాటలు
పాటలు ప్రబంధాలు ఆదిగాగల
అన్నింటా ఆరితేరిన దిట్ట....
తెలుగు సాహిత్య సాగరాన
ఆకాశ నక్షత్రపు వేగుచుక్క
ప్రజల కష్ట నష్టాల కడగండ్లకు
పరిఢవిల్లిన రెక్కలు విప్పిన రెవెల్ల్యూషన్.
నగునూరి రాజన్న
హైదరాబాదు.
No comments:
Post a Comment