అదృశ్య రూపం
28-04-2020
శీర్షిక: ఆత్మసాక్షి...
సంఖ్య : 405
పగలు రాత్రి ప్రతీ క్షణం
మెలకువలో నిద్రలో
పట్టుబట్టి వెన్నంటి నాతోనే
నీడలా వెంబడిస్తుంది.....
కష్ట సుఖాల కాలంలో
మంచి చెడుల సమయాలలో
బాధల ఆనందాల సన్నివేశాల్లో
పంచభూతాలు ప్రకృతికి తోడైనట్టు
పక్కనే నిలిచి ధైర్యాన్నిస్తుంది .....
సహజీవన నాడియై
సతతం తోడు నిలిచి
సదా కనిపెట్టుకుంటూ
సన్మిత్రుడై సలహాలిస్తుంది.....
ప్రతి క్షణం పలకరిస్తూ
పరామర్శిస్తూ
పరీక్ష సమయాల్లో మందలిస్తూ
రేఖ దాటుతున్న ప్రతిసారి
గురువులా నీతిని బోధిస్తుంది....
అహర్నిశలు మన క్షేమం కోరుతూ
అనుసంధాన కర్తయై అనవరతం
దైవత్వం నింపుకుని దారిచూపిస్తుంది
ఆత్మసాక్షిగా విలసిల్లుతుంది .....
నగునూరి రాజన్న
కరీంనగరు.
No comments:
Post a Comment