సానుభూతి
తేది: 22-04-2020
శీర్షిక: సహ అనుభూతి...
సంఖ్య: 400
మకరం నోట చిక్కిన మత్తేభమల్లె ....
ప్రమేయం లేని పరాజయపు అంచున
పరులు చూపు సహా అనుభూతికి
పరవశించు కదా మనసు పన్నీరు జల్లై ...
పడే వేదనలకన్నా కొన్నిసార్లు
పరాచికాల పాషాణపు మాటలే
పాపపంకిలమై తోస్తుంది.
పరాయణమే పరమశ్రేష్ఠమౌతుంది....
పెదవుల చివరంచున ప్రదర్శించే
పొడి పొడి మాటల పోరాటంతో
సాధించే సంతృప్తేమి లేకపోగా
సానుభూతి సైతం సిగ్గుపడుతుంది....
ఆత్మీయతల ఆసరాలతో
మమతలు నిండుగ జోడించి
మానవత్వం ప్రదర్శిస్తేనే
దైవత్వం హర్షిస్తుంది ......
నగునూరి రాజన్న
హైదరాబాదు.
No comments:
Post a Comment