శైశవ గీతి

అంశం -శైశవ గీతి

తేదీ - 02-05-2019

శీర్షిక - బాల్యం

సంఖ్య - 175

కొంగు చాటు బాల్యం 

కొంటె పనుల మాల్యం 

అవక తవక చిలిపి పనులు 

అరవిరిసే అందాల నవ్వులు 

చీటికి  మాటికి అలకలు 

అమ్మంటే  అనురాగం   

నాన్నంటే గారాబం

అన్నదమ్ముల అనుబంధం 

చెల్లలంటే ఆత్మీయం.....  

ఎండైనా, వానైనా 

ఇంటయినా  బయటయినా 

ఆడేదే  ఆటలు...గెంతులు 

ఛుక్ ఛుక్ రైలు..  

వాన వాన వల్లప్ప...  

దాగుడు మూతలు 

దండా కోలు .... 

ఇల్లు వాకిళ్లు  

దద్దరిల్లే కేకలు....   

 

చిర్ర గోనెలే చిరు తిళ్ళు

గోళీలాటలే గుగ్గిళ్ళు 

తాడు బొంగరం తన్నులాటలు 

కుండా టోక్కా తో కుదేలు  

కబడ్డీ ఆట ఖతర్నాక్ లు 

చేను చెలకలు కంగాలు   

తోటలన్నీ రచ్చ రచ్చ ... 

చెరువు నిండితే ఆనందం 

మత్తడి దునికితే ఆహ్లాదం 

ఒర్రె పొంగితే ఉయ్యాలే

నీటిని చూస్తే కడుపు నిండు.... 

ఇంద్ర ధనుస్సుతో మంద్రహాసం   

చుట్టమొస్తే ఎగిరి గంతే 

మామలోస్తే మారాము 

అమ్మమ్మ అయితే 

అతి గారాభం ..... 

కష్ట సుఖాల ఇష్టాలు.... 

బరువు బాధ్యతల 

బంధాలెఱుగం.... 

నగునూరి రాజన్న 

కరీంనగర్ (ప్రస్తుతం :రిచ్మండ్ )