అంశం- మే డే
తేదీ 01-05-2019
శీర్షిక - పనిగంటలు ... పనికి విశ్రాంతి
సంఖ్య - 174
ప్రకృతి లోనే జననం ....
ప్రకృతి లోనే పయనం.....
ప్రకృతి లోనే మరణం......
ప్రకృతి లోనే నేర్చుకున్నాడు.... అయినా
ప్రకృతి ప్రాభవాన్ని మాత్రం పుణికి పుచ్చుకోలేదు ....
ప్రకృతి లోని పంచ భూతాలకు లేదు
పశు పక్ష్యాదులకు లేదు...
క్రిమి కీటకాలకు లేదు .... పర తమ బేధం
స్వార్ధ చింతనకు తావు లేదు....
సంఘటితంగా కదులుతాయి
పరమ విశిష్ట ప్రాణిగా పరిగణించుకుంటాడు... మనిషి.....కానీ
స్వార్థమెప్పుడూ స్వారీ చేస్తుంది
సంకుచితత్వం సదా అంటిపెట్టుకుంటుంది
ఆశలు అత్యాశలే జీవన గమనం
ఈర్ష్యా ద్వేషాలే ఇరుగు పొరుగు ....
దోచుకో.... దాచుకో....
పక్కవాణ్ణి తొక్కైనా.....
రాజు, జమీందారు, ప్రజా నాయకుడు
వ్యాపారి, దళారీ, పెత్తందారీ.... వ్యవస్థేదైనా
పేరేదైనా పక్కవాణ్ణి పీల్చి పిప్పి చేయడమే .....
పాలనలెప్పుడు పలుకుబడున్నోడికే
చట్టాలెప్పుడు చుట్టాలే డబ్బున్నోడికి
ప్రైవేట్ అయినా ప్రభుత్వ సంస్థయినా
సంఘటిత రంగం అసంఘటిత రంగం
ఇప్పటికీ సంపన్నులు 15 నుండి 20%
సగటు కన్నా తక్కువ ఆదాయవంతులు 80 నుండి 85%...
బరువు మోసేంతవరకే ... బాంచన్ కాల్మొక్కుతా ...
బరాబరిగ రావాల్సిన
పనిగంటలయినా... ఫలితమయినా ...
పనికి విశ్రాంతయినా... ఇయ్యకపోతే
బతుకు భారం అయినప్పుడు...
ప్రపంచ కార్మికులంతా
సంఘటితంగా పోరాడిన రోజు
ఏకమై పనిగంటలు ... పనికి విశ్రాంతి ....
సాధించుకున్న పవిత్రమైన రోజు
ప్రపంచ కార్మిక పని చరిత్రలో ..... మే.... డే .....
నగునూరి రాజన్న
కరీంనగర్ (ప్రస్తుతం :రిచ్మండ్ )
No comments:
Post a Comment